Center Image
IHSAN.KZ
Арман Қуанышбаев студенттермен кездесті
Арман Қуанышбаев студенттермен кездесті

Қарағанды облысына арнайы қызметтік сапармен келген  белгілі теолог, республикалық ақпараттық-насихат тобының мүшесі Арман Қуанышбаев кезекті насихат жұмысын Қарағанды техникалық университетінде жалғасырып, студенттермен кездесу өткізді.

Жастар алдында сөз алған білікті дінтанушы бүгінгінің басты мәселесі болып отырған жат ағымдардың себеп-салдары жайында, теріс пиғылды діни ағымдар мен дәстүрлі діннің ара-жігін ажырата білу керектігін түсіндірді. 

Сонымен бірге жастардың кемел болашақтың кепілі екенін айта келе, жас буынның көзі қарақты, ойы толысқан болуы әсте маңызды екенін айтты. Жастарға екі дүниенің сұлтаны – Пайғамбарымыздың (с.ғ.с) өмірінен мысал келтіре отыра, бүгінгі күннің өзекті мәселелерін тілге тиек етті.

Аталмыш кездесуге ҚМДБ-ның Қарағанды облысы бойынша бас имамы Естай Айтуғанұлы мен дін қызметкерлері және ЖОО-ның ұстаздары да қатысып,  теолог маманға алғыстарын білдірді.

Шара соңында жастар дін өкілдеріне өздерін қызықтырған сұрақтарын қойып, толғандырып жүрген сауалдарына жауап алды.

 ҚМДБ-ның Қарағанды облысы бойынша баспасөз қызметі


Мәзір
Сайт тілі
© 2009 – 2025 IHSAN.KZ | ҚМДБ Қарағанды облыстық «Әнет баба» мешіті Барлық құқықтар қорғалған. Ihsan.kz сайтында жарияланған кез келген материалды көшіру, тарату немесе басқа сайттарға орналастыру кезінде Ihsan.kz сайтына сілтемені міндетті түрде көрсетуді сұраймыз.

© 2025 Сайтты әзірлеген - abir.kz