Қарағанды облысына қарасты Қарқаралы аудандық «Құнанбай қажы» мешітінде «Имани жаз 2024» атты жасөспірімдер арасындағы жазғы діни сауат ашу курсы өз жұмысын аяқтады. Курсты тәмамдаған бүлдіршіндерге мешіт имамы Митератбек Орынбекұлы  арнайы сертификат табыстап,   бүлдіршіндерге жылы лебіздерін білдірді. Жылдағы дәстүр бойынша ұйымдастырылған жазғы оқу лагерінде мектеп жасындағы балаларға ислам  әдебі, иман негіздері, Құран әліппесі секілді пәндер жүргізіліп, исламның алғышарттарын үйретті. Ал демалыс күндері Қарағанды қаласының орталық саябағында көңілді демалыс ұйымдастырылды.

 Ата аналар разылықтарын білдіріп, мешіт ұжымына алғыстарын білдірді. Марапаттау рәсімінен кейін балаларға сыйлықтар табысталды. 

Қарағанды облысы бойынша баспасөз қызметі