Қарағанды облыстық «Әнет баба» мешітінде ҚМДБ төрағасы, Бас мүфти Наурызбай қажы Тағанұлының тапсырмасы аясында жергілікті имамдарға «Уағыз айтудың әдебі мен мәдениеті» тақырыбында семинар болып өтті.

Игі шараға Қарағанды өңіріне РАНТ жұмыстары бойынша арнайы іс-сапармен келген ҚМДБ Уағыз-насихат бөлімінің меңгерушісі Батыржан Мансұров және Қарағанды облысының бас имамы Естай Айтуғанұлы бастаған жергілікті діни қызметкерлер қатысты.

Қала және аудан  имамдары түгел қатысқан рухани басқосуда Батыржан Берденұлы имамдарға үгіт-насихат жасаудың тиісті әдептері мен нормаларын және тәртібін түсіндіріп өтті. Сондай-ақ, ҚМДБ-ның білікті маманы жамағатқа уағыз-насихат жүргізу барысында туындайтын имамдардың әртүрлі өзекті сұрақтарына тұщымды жауап берді.

Айта кетсек, жыл басында Бас мүфти Наурызбай қажы Тағанұлының төрағалығымен «Қазақстан қоғамында уағыз айтудың әдебі мен мәдениеті» тақырыбында республикалық уағызшылар форумы өткен болатын. І республикалық уағызшылар форумында «Уағыз-насихат айтудың әдебі мен мәдениеті» тұғырнамасы қабылданған еді. Содан бері еліміздің өңір-өңірлерінде имамдарға тұғырнама негізінде семинарлар өтіп келеді.