Қарағанды облыстық «Әнет баба» мешітінде ҚМДБ Уағыз-насихат бөлімінің басшысы, РАНТ мүшесі Батыржан Мансұров жамағатқа жұма уағызын айтты.

«Жат ағым жарға жығады» тақырыбында үгіт-насихат жасап, жұртшылықты соқыр сенімнің жетегінен кетіп қалмауға шақырды. Дәстүрлі ата дініміздің құндылықтары мен әдет-ғұрыптарын мысал ретінде келтіре отырып, оларды мансұқтаушы жат пиғылды ағымдардың әрекетінен сақ болуға шақырды.

Сондай-ақ, қоғам тыныштығы мен жамағат бірлігі, адам өмірі басты байлық екенін тілге тиек ете отырып, үммет ауызбіршілігінің бекем болуын тіледі.

Айта кетсек, ҚМДБ Уағыз-насихат бөлімінің басшысы, РАНТ мүшесі Батыржан Берденұлы Қарағанды қаласына арнайы іс-сапармен келген болатын.