Қарағанды қаласындағы №36352 әскери бөлімінде отан алдындағы борышын өтеп жатқан жас сарбаздармен кездесу болып өтті.

Рухани жиынға ҚМДБ Уағыз-насихат бөлімінің басшысы, РАНТ мүшесі Батыржан Мансұров, ҚМДБ-ның Қарағанды облысы бойынша бас имамы Естай Айтуғанұлы және 150 сарбаз қатысты.  

Қазақстан мұсылмандары діни басқармасынан арнайы келген білікті маман Батыржан Берденұлы борышын өтеп жатқан ер азаматтарға туған жер, отан түсінігі туралы кеңінен баяндап, ел қорғаудың және оның тыныштығын күзетудің жауапкершілігі мен сауабы жайында айтып өтті.

Туған жердің топырағы мен оның әрбір қарыс жері баға жоқ құндылық екенін ескерте отырып, Пайғамбарымыздың (с.ғ.с.) осы жайында айтылған хадистерін мысал ретінде келтіре кетті. Отан алдындағы борыштарын өтеп жүрген жас сарбаздар рухани отырыстан өздеріне мол азық алып, мекеме басшылары да алғыстары мен ыстық ықыластыран білдірді.