ҚМДБ-ның Төрағасы, Бас мүфти Наурызбай қажы Тағанұлының бұйрығы бойынша Қарағанды облысы, Абай аудандық мешітіне 2 жаңа қызметкер тағайындалды. Наиб имам міндетін енді Есбол Оңал атқаратын болады. Бұған дейін ол Ұлытау облысы, Жаңаарқа ауданы, Ақтүбек ауылдық мешітінің имамы болған еді. Сонымен қатар тап осы Абай аудандық мешітіне Нұрқанат Бейсенбаев  та діни қызметкер ретінде қабылданды. Жаңа мамандарды ҚМДБ-ның Қарағанды облысындағы филиалы «Әнет баба» мешітінің наиб имамы,  Қоныскерей Хумар тағайындап, жамағатқа таныстырды. Сонымен қатар жұма уағызын өткізіп, жиналғандарға асыл дініміз жайлы бірқатар ақпарат берді.