ҚМДБ-ы  Төрағасы, Бас Мүфти Наурызбай қажы Тағанұлының бастамасымен «Ізгі қоғам» бағытының аясында «Халықаралық қарттар күніне» орай қарттар үйінде қайырымдылық шара өтті. Ізгі істі  ҚМДБ-ның Қарағанды облысындағы филиалы "Әнет баба" мешітінің “әйел-қыздар” секторы жетекшісі Әйгерім Берікболқызының жетекшілігімен “Ханифа” қыздар даму клубы ұйымдастырған.

Құранның «Исра» сүресінің 23-24 аяттарында Алла Тағала: «Раббың Өзінен басқаға құлшылық етпеулеріңді және ата-анаға ізгілік жасауларыңды бұйырды. Егер олардың біреуі не екеуі де қартайса, екеуіне «түһ» деп те айтпа. Оларға дауыс көтерме, тек жақсы сөз сөйле. Оларға мейірімділік пен кішіпейілділіктің қанатын жайып: «Раббым! Кішкентайымда мені тәрбиелегені секілді оларға Сен де рахым ет» деп айт», – деген.

Осы ретте қайырымдылық шарасында қарттарға құрмет көрсетіліп дастархан жайылды. Жиын соныңда қарттар ризашылығын білдіріп, батасын беріп шығарып салды.