Қарағанды облысына қарасты Бұқар Жырау ауданы “Жыржыс қажы” мешітінің имамы Рүстем Мұратұлының ұйымдастыруымен  «Аталар мектебі – тәрбие негізі» атты ақсақалдар жиыны өтті.

«Ислам және дәстүр құндылығы» жылы аясында  өткен жиынға мешіттің ақсақалдар алқасының мүшелері мен жамағаты қатысты.

Жиында арнайы алғы сөзді алған мешіт имамы Рүстем Мұратұлы ақсақалдардың қоғамдағы мәртебесі жөнінде сөз қозғап,  аталар институтының орны айрықша екендігін тілге тиек етті.

«Өнегелі ұрпақ тәрбиесі мен қоғам жастарына насихат айтып, қазыналы қария сөзімен елді ауызбіршілік пен тұтастыққа тәрбиелейтін аталар мектебі ізгі қоғамның игі бастамасы болары сөзсіз», - деп, бір ауыздан қолдау танытты ақсақалдар алқасы.