ҚМДБ-ның төрағасы Бас мүфти Наурызбайқажы Тағанұлының бастамасымен Қарағанды облысы Балқаш қалалық мешітінде " мектепке жол" қайырымдылық  акциясы өтті.

Акцияның мақсаты – аз қамтылған және көп балалы отбасылардан шыққан, жетім балалар мен ата-анасының қамқорлығынсыз қалған оқушыларға жаңа оқу жылына дайындық кезеңінде және әлеуметтік себептер бойынша балалардың мектепке бармауының алдын алу үшін әлеуметтік көмек көрсету.

Балқаш қалалық мешітінің имамы Қалдарбеков Нұрболат Сейлханұлының мұрындық болуымен өткен игі шарада  200 балаға  сөмкелермен құрал- жабдықтар табысталды.