Өңір мешіттерінде қысқы жылыту маусымына дайындық басталып кетті. Ақадыр кенті Иса молда мешітінде көмір түсіріліп, мешіт айналасына тазалық жұмыстары жасалуда. Мешіт Құран Кәрімде және хадистерде мұсылмандардың құлшылық жасайтын мекені әрі пенде мен Раббысы арасындағы байланысын арттыратын орын ретінде сипатталады. Осылай аталуының өзіндік себебі бар. Пайғамбарымыз (Оған Алланың салауаты мен сәлемі болсын) хадисінде: «Құлдың, Раббысына ең жақын сәті сәжде жасаған кезі» деп атаған. Мешіт қызметкерлері құлшылық жасайтын әрі діни ілімін арттырғысы келетін жамағатты әркез асыға күтеді.