ҚМДБ-ның Төрағасы, Бас мүфти Наурызбай қажы Тағанұлының  бастамасымен «Жат діни ағымдардан сақтандыру» бағыты бойынша ҚР ІІМ Қылмыстық-атқару жүйесі комитетінің "№33 мекеме" республикалық мемлекеттік мекемесінің қызметкерлерімен арнайы кездесу өтті. Шарада Қарағанды облыстық "Әнет баба" мешітінің ұстазы Кемербай Данияр Ерікұлы жиналғандарды лудомания, суицид, экстремизм жайлы ақпараттандырды. Бұл қазір қоғамдағы өзекті мәселелердің бірі. Өз-өзіне қол жұмсаудың шариғатымыздағы үкімі– ауыр күнә. Асыл дінімізде жазықсыз адамды өлімге қию немесе өзіне-өзі қол жұмсау – Алланың ашуы мен азабын тудырады.

Сонымен қатар, ислам дінінде құмар ойындары харам етілгендігі туралы Құран кәрімнің «Мәйда» сүресінің 90-91-аяттарында: «Әй, мүміндер! Арақ, құмар, тігілген тастар (пұттар) және бал ашатын оқтар лас, шайтанның істерінен. Одан сақтаныңдар, құтыларсыңдар. Негізінен шайтан арақта, құмарда араларыңа дұшпандық әрі кек салып, Алланы еске алудан және намаздан қалдыруды қалайды. Ал сонда да тыйылмайсыңдар ма?» – деп келтірілген.

Шара аяғында "Әнет баба" мешітінің ұстазы Данияр Ерікұлы қызметкерлер қойған түйіткілді сұрақтарға жауап берді.