ҚМДБ Бас мүфти Наурызбай қажы Тағанұлының бастамасымен «Дін мен дәстүр» бағыты аясында Қарағанды қалалық “Бала қажы” мешітінде ұлттық дәстүріміз тұсаукесер рәсімі өтті.

Қазақта тұсаукесер рәсімінің бала өмірінде алар орны ерекше. Оны кесетін адамды да баппен, арнайы таңдап алады. Көбіне қыз бала болса ортасында сыйлы, абыройлы, істеген ісін тиянақты тындыратын қағілез, ақжарқын мінезді келіншекке қидырған жөн.

Бұл жолы кішкентай балақайдың тұсауын мешіт ұстазы Бақытгүл Айтқалиқызы кесіп, ақ батасын берді. Дәстүрімізді насихаттауда игі амалдарымыз арта берсін!