Қарағанды облысына қарасты Қарқаралы аудандық “Құнанбай қажы” мешітінің имамы Митератбек Орынбекұлының бастамасымен және мешіт ұстазы Сәуле Мәжитқызының ұйымдастыруымен мәуліт кеші аталып өтті.

Рухани шара  Құран оқумен басталды. Мешіт имамы  әйелдер жамағатына ардақты Пайғамбарымыздың өнегелі өмірінен сыр шертетін естеліктер айта келіп, жиналған жамағатты қасиетті мерекемен құттықтады. Одан кейін «Пайғамбардың сипаты» жайында уағыз-насихат айтты. Кезекті насихат мешіт ұстазының  «Мәуліттің тарихы мен құндылығы» атты уағызымен жалғасты.

Рухани кештің бағдарламасы аясында арнайы Мәуліт Шәриф оқылды.

Кештің арнаулы қонақтары мен ақсамайлы аналар құттықтау сөз сөйлеп, мерекенің мерейін асырды. Алла Елшісінің ﷺ өнегелі өміріне қатысты құнды насихаттармен сусындап, адамзаттың Ұстазы, Пайғамбарлар Сардары Мұхаммед Мұстафаның шұғылалы өмірінен мағлұмат алды.

Рухани кеште әйелдер жамағатына арнайы дастархан әзірленді.