Center Image
IHSAN.KZ
Халықаралық «HALAL EXPO-2024» көрмесіне Қарағанды облысы да атсалысты
Халықаралық «HALAL EXPO-2024» көрмесіне Қарағанды облысы да атсалысты

Облысымыздағы ҚМДБ-ның «Халал Даму» стандарттау және сертификаттау орталығының жауапты өкілі Амангелді Дәулеткелідұлы Тараз қаласында өткен халал өнімдердің халықаралық «HALAL EXPO-2024» көрмесіне қатысты.

Тараз қаласында өткен халал өнімдер көрмесі 2 күнге созылды. Шараға Қазақстан мұсылмандары діни басқармасының төрағасы, Бас мүфти Наурызбай қажы Тағанұлы арнайы қатысты.

Онда 70-ке жуық кәсіпорын, 15 мыңға жуық адам қатысып отандық және шет елдік өнімдермен танысты. Өндірушілер мен тұтынушылар арасын жалғаған шарада 5 тоннаға жуық шұжық өнімдері, 4 тоннаға жуық құс өнімдері, 3 тоннадай кондитерлік өнімдер, 2 тоннадан астам жартылай фабрикаттар, 1 тоннаға жуық сусындар (кофе, шәй, сироптар), 5 тонна сүт өнімдері,  2 тоннаға жуық ет өнімдері сатылды.

Көрме аясында «Үздік кәсіпорын», «Халал – халық таңдауы», «Үздік маман» номинациялары бойынша кәсіпорындар мен халалдың мамандары марапатталды.  «HALAL EXPO-2024» халықаралық көрмесіне «QMDB Halal» сертификатын иеленген 70-ке жуық өнім түрі қойылған.


Мәзір
Сайт тілі
© 2009 – 2025 IHSAN.KZ | ҚМДБ Қарағанды облыстық «Әнет баба» мешіті Барлық құқықтар қорғалған. Ihsan.kz сайтында жарияланған кез келген материалды көшіру, тарату немесе басқа сайттарға орналастыру кезінде Ihsan.kz сайтына сілтемені міндетті түрде көрсетуді сұраймыз.

© 2025 Сайтты әзірлеген - abir.kz