Қарағанды облысына қарасты Бұқар Жырау аудандық “Жыржыс қажы” мешітінің имамы Рүстем Мұратұлы  арнайы іс-сапар бойынша Көкпекті ауылына ат басын бұрды. Сапар барысында жергілікті техникалық колледждің студенттерімен кездесу ұйымдастырды.

Кездесуде имам дін тақырыбында жан-жақты насихаттар айтып, әсіресе, қоғамда көбейіп кеткен теріс ағымдардың белгілері, діни сайттар және экстремистік топтар мәселелері кеңінен талқыланды. Жат ағымдардың қоғамға келер зияны және олардан сақтану шаралары мен алдын алу жолдары кеңінен түсіндірілді. Сондай-ақ, студенттерге жастар арасында түрлі қылмыстар, ұрлық-зомбылық, арақ-шарап, темекі, зинақорлық секілді кесапат күнәлар тақырыбында уағыз-насихат айтты. Оларды Алланың ақ жолына, зиянды істерден аулақ жүруге шақырды.

Студенттер бас қосқан жиында шәкірттер тарапынан да сауалдар қойылып, оларға имам толыққанды жауап берді.

ҚМДБ-ның Қарағанды облысы  бойынша баспасөз қызметі