Қарағанды қалалық “Төлеутай ата” мешітінің имамы Рауан Төлеубекұлы «Ізгі қоғам» бағыты бойынша аймақтағы сауда нүктелерінде үгіт-насихат жұмыстарын жүргізді.

Насихат жұмысы барысында дүкен қызметкерлеріне ішімдік пен шылым сатуға қарсы түсіндіру жұмыстарын жүргізді.

Адамзаттың ардақтысы Пайғамбарымыз (с.ғ.с)  арақ-шарапқа қатысты, оның зияны туралы айтып кеткен еді. Әнәс ибн Малик (р.ғ) жеткізген бір хадисте «Пайғамбарымыз (с.ғ.с) араққа қатысты он нәрсеге лағынет айтты: жасаушыға, жасатушыға, ішкенге, ішкізгенге, көтергенге, көтерткенге, сатушыға, сатып алушыға, сыйға тартушыға, арақты сатып, ақшасын пайдаланғанға» делінген.

Шараның басты мақсаты, қоғамда белең алып отырған зиянды әдеттердің алдын алу.

Кездесу соңында аймақ тұрғындарының тарапынан қойылған сұрақтарға жауап берілді.

ҚМДБ-ның Қарағанды облысы бойынша баспасөз қызметі