Қарағанды қалалық «Әл-Машани» мешітінде “ Жамағаттың ауызбіршілігі” тақырыбында уағыз-насихат өтті. Тақырып аясында Алматыдан арнайы келген қонақ, Республикалық ақпараттық-насихат тобының (РАНТ) мүшесі, Мырзахмет мешітінің имамы Мәди Ахметов сөз сөйледі. Пайғамбарымыз (с.ғ.с.) өзінің бір хадисінде : «Ауызбіршілікте – Алланың мейірімі, бөлінуде – қаһары бар» (Имам Ахмад)  – деп ауызбіршілікті сақтаудың маңызын көрсетеді. Асыл дініміз барша адамзатты бірлік пен бейбітшілікте өмір сүруге шақырады. Имам қоғамдағы кейбір діни көзқарастар мен талас-тартысқа қарамастан ауызбіршілікті сақтаудың маңызы жайлы насихат айтты.