Республикалық ақпараттық-насихат тобының (РАНТ) мүшесі, Алматы қаласы Алатау ауданы Мырзахмет мешітінің имамы Мәди Ахметов Қарағандыдағы Олжас Есенұлы атындағы діни сауат ашу қайырымдылық мекемесінде болып қайтты. Ондағы шәкірттермен кездесіп, «Білім алудың артықшылығы» жайлы насихат айтты. Қазіргі әлем жарық жылдамдығымен қарыштап дамып жатқан, жаһандану заманында еліміздің әр азаматының білім алу міндеті болып табылады. Еліміздің болашағы да, ертеңі де осы білімді жастарға байланысты. Имам шәкірттерге діни біліммен қоса, заманауи білімнің де маңызы жайлы айтып, оларды ілім үйренуге шақырды.