Center Image
IHSAN.KZ
«Жаныңда жүр жақсы адам»
«Жаныңда жүр жақсы адам»

   Қарағанды қалалық «Әл Машани» мешітінде «Жаныңда жүр жақсы адам» атты берекелі шара ұйымдастыру қолға алынған болатын.

Кезекті кездесу Еңбек ардагері, Жоғары санатты ұстаз, Қазақ ССР Халық ағарту ісінің озық қызметкері, көп балалы ана Қалғожа Бақытжамал Айтбайқызымен бірге өткізілді. Жиынды Әл-Машани мешітінің имамы Сайлау Жұмағұлұлы алғы сөз сөйлеп , Құран аяттарын оқып  батамен бастады. Шараға арнайы Бақытжамал Айтбайқызының  туғандары ,  өзі еңбек еткен оқу орнының директоры, әріптестері шақырылған. Көпке үлгі, қаншама шәкірттің білім көзін ашқан ұстазға мектеп ұжымы мен әріптестері «Алғыс хат» табыстап, ризашылығын білдірді.

Өз кезегінде ұлағатты ұстаз сүбелі сұхбатта өзінің өмірі мен еңбек жолы жайлы шәкірттерге әңгімелеп берді.

Ізгі іс қалалық «Әл Машани» мешітінің ұстазы Бақытгүл Айтқалиқызының ұйымдастыруымен өткізілді.

Шараның басты мақсаты ізгілікті істерімен көпшілікке үлгі болған аналарды дәріптеп, құрмет көрсету. Тәрбие танымдық шара арқылы жастарға өнегенің үлгісін көрсету. Игі бастама алдағы уақытта өз жалғасын табатын болады.

Қарағанды облысы бойынша баспасөз қызметі


Мәзір
Сайт тілі
© 2009 – 2025 IHSAN.KZ | ҚМДБ Қарағанды облыстық «Әнет баба» мешіті Барлық құқықтар қорғалған. Ihsan.kz сайтында жарияланған кез келген материалды көшіру, тарату немесе басқа сайттарға орналастыру кезінде Ihsan.kz сайтына сілтемені міндетті түрде көрсетуді сұраймыз.

© 2025 Сайтты әзірлеген - abir.kz