Қарағанды облысына қарасты Абай аудандық орталық мешітінің ұйымдастыруымен қарттар күніне орай аймақтағы қариялардың шаңырағы зиярат етілді.

Мешіт имамы Асхат Қанайұлының бастамасымен өткен шараға мешіттің дін қызметкерлері ат салысып, қарияларды ұлттық мерекемен құттықтады. Сонымен қатар, сыйлықтар үлестіріп, өздерінің ыстық лебіздерін жеткізді.

Қазыналы қарттар да өз батасын беріп, келгендерге ризашылығын білдірді. Берекелі іс жыл сайын өтетін үрдіске айналып келеді.

 Қарағанды облысы бойынша баспасөз қызметі