Қарағанды облысы, Бұқар Жырау аудандық “Жыржыс қажы” мешітінің имамы Рүстем Мұратұлының ұйымдастыруымен қарттар күніне орай жергілікті қарияларға құрмет көрсетілді.
Атап айтқанда, көненің көзі, тәрбиенің қайнар бұлағы болған аймақтағы ақ сақалды қариялардың иығына шапан жабылып, сый-сияпат жасалды.
Шараның басты мақсаты өскелең ұрпаққа үлгі болған қариялардың орны қашан да жоғры екенін насихаттап, оларға құрмет көрсету.
Осындай игі іс шараны жүзеге асырған мешіт дін қызметкерлеріне аталар қауымы алғыстарын білдіріп, ризашылық танытты.
Қарағанды облысы бойынша баспасөз қызметі