Қарағанды облысы Саран қаласы Ақтас кентінің имамы Ерғазы Азамат Сайлауұлы  Пришахтинск қаласында орналасқан «Кешенді балалар-жасөспірімдер спорт мектебіне» барып қайтты. Онда жас спортшылар мен жаттықтырушылармен «Жат діни ағымдардан сақтану» бойынша ақпарат берді.

Жат ағымдағылардың негізгі көздегендері жас ұрпақтың миын улау, олардың құрығына ілігетіндердің де легі жастар. Олардың ұстанымы халқымыздың сан ғасырлық діни сеніміне, таным-түсінігіне өнері мен салт-дәстүріне мүлде қарама-қайшы. Ең қатерлісі, осы кереғар ағымдардың, деструктивті топтардың үгіт-насихаты. Сол себепті де жастарымыз ғаламтордағы діни ақпараттың анық-қанығына көз жеткізу үшін ҚМДБ-ның өкілдеріне, жергілікті мешіт имамдарына жүгінгені жөн. Өңірлік мешіт өкілдері де мемлекеттік мекемелер мен қоғамдық орындарда жиі ақпараттық кездесулер өткізіп тұрады.