Қарағанды қалалық “Төлеутай ата” мешітінің имамы Рауан Төлеубекұлының ұйымдастыруымен адамзаттың  асыл тәжі, ардақты Пайғамбарымыз Мұхаммедтің (с.ғ.с.) құрметіне мәуліт оқылды.

Рухани шарада мешіт имамы алдымен аймақ тұрғындарын қасиетті мерекемен құттықтап, ақыретте мұсылмандардың шапағатшысы болатын Мұхаммед (с.ғ.с.)  пайғамбардың өнегелі өмір жолын, Алланың дінін адамзатқа таратудағы тағылымға толы істерін, оның мүбәрак өмірін  тілге тиек етті.

Қарағанды қалалық «Төлеутай ата” мешітінің наиб имамдары мәуліт жырын оқып,  барша жамағат әлемге рақым етіп жіберілген нұрлы Пайғамбарымызға (с.ғ.с.) салауаттар айтты.

Мәуліт мерекесі осылайша жүректерге иман нұрын толтырып, Сүйікті Пайғамбарымызға деген сағыныш сезімін еселеді.

ҚМДБ-ның Қарағанды облысы бойынша баспасөз қызметі