ҚМДБ Қарағанды қаласының өкіл имамы Естай Айтуғанұлы Пайғамбарымыз Мұхаммед с.ғ.с. құрметіне жергілікті мешіттерде Мәуліт кешінің өтуіне мұрындық болуда. “Бала қажы” мешітінің имамы Нуров Махмудқажы Нурұлының ұйымдастыруымен өткен кезекті Мәуліт кешінде мешіт жамағаты мен имамдар қатысып, рухани бас қосу болды. Естай Айтуғанұлы Пайғамбар с.ғ.с. өмірінен мол насихат айтса, Махмудқажы Нурұлы мейрамға орай мешіт жамағатына Құран кітабын сыйға тартты. Мәуліт оқылып, салауат айтылды, пайғамбар өмірінен құрастырылған викториналық сұрақтардан ойындар ойнатылды.  Ақ дастарханға жиналған зиялы қауым “Адамзаттың асыл тәжін” құрметтеп, сағына еске алып, көп дұға оқып тарқасты.