Шет ауданы, Ақадыр кенті «Иса молда» мешітінің әйелдер жамағаты қарт әжелерге дастархан жайып, сыйлық үлестірді. Шараны 1 қазан-Қарттар күніне орай ұстаз Әлия Рахманқызы ұйымдастырған.

Халқымызда «Қартын сыйлаған елдің қазынасы мол» деген ұлағатты сөз бар. Қазақ – қарттарын қадірлеп өскен ұлт. Ақжаулықты әжелерге сый-сияпатпен құрмет көрсетіліп, мейраммен құттықтады. Асыл аналарымыз да өз кезегінде батасын беріп, ризашылығын білдірді.