Қарағанды қалалық "Бала қажы" мешітінің имамы Нуров Махмуд қажы Нурұлы Қарағанды облыстық Төтенше жағдайлар Департаментінің қызметкерлерімен кездесті. Бұл кездесуде арнайы құрбандық шалынып, опат болған қызметкерге арнап Құран оқылды. Алладан апаттан құтқару сұрап, дұға жасалды. Қарақаралы өңіріндегі өрттің алдын алу бойынша атқарылып жатқан шараларға қатысты, төтенше жағдайлар қызметкерлерінің  еңбегіне берілетін сауаптар мен жақсы игі істің қайырымы ерен екені туралы насихат айтылды. Махмуд қажы Нурұлы әрдайым елдің тыныштығы мен бірлігі үшін қызмет етіп жатқан әртүрлі сала қызметкерлеріне ерекше көңіл бөліп келеді. Бүгінгі жиында төтенше жағдайлар қызметкерлері шын ықыласпен жасалған қайырымды іске қуаныштарын білдіріп, рақметін жаудырды.