Қарағанды  облысы Балқаш қалалық мешітінің ұйымдастыруымен "Адамзаттың асыл тәжі" атты Мәуліт кеші өтті.

Кешке  ҚМДБ, Қарағанды облыстық өкілдігі  "Әнет баба" орталық мешітінің Бас имамы Әбдіғали Естай Айтуғанұлы, облыстық мешіттің  найб имамы Қоныскерей Құмар  арнайы келді. Сонымен қатар  қаламыздың құрметті азаматтары мен ақсақал қариялары , ақжаулықты әжелері төрдегі орынға жайғасты. Мәуліт кеші "пайғамбарымыздың соңғы намазы" деректі фильмімен басталды, Құран оқылып, өкіл имам бата жасап, жиналған қауымды мәулітпен құттықтап, пайғамбарымыздың өмірінен уағыз айтты.

Мәуліт кеші қарсаңында  пайғамбарымызға (с.ғ.с) "Сағыныш хат" және "Адамзаттың асыл тәжі" атты сайыстарда жүлде алған жеңімпаздарға  "Ұмра қажылығына" жолдама  және  ақшалай сыйлықтар беріліп, сертификаттар табыс  етілді. Кештің соңында қаламыздың имамы Қалдарбеков Нұрболат Сейлханұлы кешке арнайы келген қонақтарға және жиналған жамағатқа ризашылығын білдіріп, сәт сапар тіледі.