Қарағанды облысы Балқаш қалалық мешітінде мәуліт айының құрметіне жағдайы төмен және көпбалалы отбасыларға көмек көрсетілді. «Қайыр қылсаң, қайырымын көресің» атты акция негізінде 50 отбасы азық- түлікпен қамтамасыз етілді. Шараға Қазақстан мұсылмандары діни басқармасының  Қарағанды облысындағы Бас имамы Әбдіғали Естай Айтуғанұлы қатысып, аналарды мәуліт мерекесімен құттықтады.  Олардың отбасына, бала- шағасына амандық пен саулық тілеп, ізгі ниетін білдірді.