«Ислам және дәстүр құндылығы» жылы аясында Абай аудандық орталық мешітінің   ұйымдастыруымен  «Білімді болашақ» атты білім сайысы өтті.

Аймақ имамы Асхат Қанайұлының мұрындық болуымен өткен сайысқа мешіт жамағаттары мен шәкірттері қатысты. Қатысушылар өздерінің діни білімдерін ортаға салып, ұстаздардың түрлі сұрақтарына сүрінбей жауап берді.

Ислам діні ғылым мен білімге ерекше мән берген дін. «Ғаламға рақым ретінде жіберілген» адамзаттың ардақтысы (с.а.с.) да өзінің көптеген хадистерінде ілім-білімнің артықшылығын атап көрсетіп, үмбетін қараңғылықтан құтылуға шақырған. Ол бір хадисінде:

«مَنْ يُرِدِ اللّٰهُ بِهِ خَيْرًا يُفَقِّهْهُ فِي الدّ۪ينِ»

«Алла Тағала кімге жақсылық қаласа, дінді терең білуді нәсіп етеді» дейді (Бұхари, ильм 10; Муслим, имара 175). 

Шараның басты мақсаты жастардың бойына діни ілімді сусындату.

Сайыс соңында жеңімпаздарға қаржылай сыйлықтар мен  және барлық қатысушыларға арнайы алғыс хаттар тарту етілді.