Қарағанды қалалық «Әл-Машани»  мешітінің имамы Сайлау Жұмағұлұлының ұйымдастырылуымен имам Тирмизидің «Әш-Шәмәил Мухаммадия уәл ғасауи мустақия»  кітабынан Аллаh Елшісінің (Оған Алланың игілігі мен сәлемі болсын)  сипаттары жайлы дәріс өтілді.

Әр апта сайын өтіліп келе жатқан діни сауат ашу дәрісіне білім алып, іс-шараларға белсене атсалысып жүрген шәкірттер,  сондай-ақ биылғы жаңа оқу жылынан бастап мешітімізге келген, ілім ізденуші шәкірттер қатысты.  Дәріс барысында мешіт имамы Алла Елшісінің (Оған Алланың игілігі мен сәлемі болсын)  сипаттарын айтып қана қоймай, кітап авторы имам Тирмизидің және саңлақ сахабалардың  өмірбаянына қысқаша тоқталып, түсіндіріп өтті. Сонымен қатар, шәкірттердің тарапынан туындаған шәмәил  іліміне қатысты сұрақтарға жауап берді.