Абай ауданы Топар кенті “Жұмабек Тәшен” атындағы мешітте Мәуліт мерекесі Абай ауданы имамы Асхат Қанайұлы мен Көкпекті имамы Нұржан Оңғарұлының қатысуымен жамағатқа дастархан жайылып аталып өтті.

Мәуліт мейрамының кезінде мешіттерде Пайғамбар ﷺ  туралы, Оның алдындағы міндеттеріміз, сүннетін сақтау жайында жалпы халыққа молырақ мағлұмат беріп, дініміздің тағылымдары жайлы үгіт-насихат жүргізіледі.  Мәуліт мерекесін атап өтудің негізінде Пайғамбарға деген сүйіспеншілік жатыр. Пайғамбарымыздың туған күнін қасиетті мереке ретінде атап өту үрдісі Ислам әлемінде һижри IV-V ғасырлардан басталады. Ислам ғұламалары бұл жайлы көптеген құнды еңбек жазып, мәуліттің дініміздегі орнын анықтауға тырысқан. Расында, бұл – дінімізді насихаттаудың, жас ұрпақты имандылыққа, жақсы мінез-құлыққа шақырудың орайлы бір сәті.