Үштөбе ауылы, Қажыбай қажы мешітінде жастар секторына жауапты Арифжан Нуровтың ұйымдастыруымен мешіт шәкірттеріне дастархан жайылды. Шара мақсаты жамағаттың ең кіші өкілдеріне де көңіл бөліп, олардың ілімге деген құлшынысын арттыру.  Оларға ата-ананы қадірлеу жайлы насихат айтылып, отбасындағы сыйластық жайлы сабақ айтылды. Ислам діні жанұяны сүйіспеншілік пен өзара көмектесу, жанашырлық  сезімін қалыптастыра-тын қасиетті шаңырақ ретінде қарастырады. Ұрпақтың жалғасып, олардың ұядан ұшқанға дейінгі баянды өсіп-жетілуі ата-анаға тікелей байланысты. Алла ұрпақтың жалғасуын негізгі бес қасиетті ұғымдардың қатарына қосып, оның сақталуына үлкен маңыз артқан. Қасиетті шаңырақты шайқалтпай негізін қалыптастыратын ең берік тірек – ата-ана.  Адамның дүниеге келуіне себепкер болып, жетілуінде ерекше рөлі бар ата-аналар – ең әуелі құрмет көрсетілуі тиіс аяулы жандар.