ҚМДБ "Зекет және қайырымдылық қоры" Қарағанды қалалық "Бала қажы" мешітімен бірлесе Мәуліт айы құрметіне қайырымдылық шарасын өткізді. Әлеуметтік жағдайы аз қамтылған және мүгедектігі бар жалпы 45 отбасыға азық-түлік таратылды. Мәуліт айы қарсаңында қайырымдылық шарасын ұйымдастырудың мақсаты көптеген отбасыларға көмек әрі дініміздің игі істерді жасауда жомарттығын көрсету. Алла Тағаланың бір адамның ризығы мен нығметін өзге кісілерден артық не кем беріп қоюында үлкен хикмет бар. Демек, байдың малында мұқтаждың хақысы бар деген сөз. Дәулетті кісі Алланың берген нығметін Оның разылығы жолында садақа етсе – үлкен сауапқа кенеледі.