18 қазан- рухани келісім күніне орай Саран қалалық орталық кітапханасында "Рухани келісім - халық бірлігіне бастар жол" тақырыбында арнайы кездесу өтті. Кездесуге Саран қалалық мешітінің имамы Мұсабеков Нұржігіт Оразалыұлы мен  қаланың зиялы қауым өкілдері және студенттер   қатысты. Онда адамдардың діні, ұлты, түрі мен сеніміне қарамастан сыйластықта болу және еліміздегі бірліктің маңызы жайлы әңгімеленді. Елімізде түрлі этнос пен конфессия өкілдерінің бірлікте өмір сүруі – татулықтың нәтижесі. Мемлекетіміз ешкімді тілі мен дініне қарап бөлместен, барлық азаматтарға тең құқылы мүмкіндік беру арқылы ішкі және сыртқы тұрақтылықты сақтап келеді. Бұл ынтымақтастық пен ауызбіршілік елдегі Ата заң арқылы қамтамасыз етілген. Рухани келісім күні осы бір бірлік пен ынтымақтың белгісі ретінде ерекше аталып өтіледі.