Қарағанды облысы Саран қаласының спорт орталығының қолдауымен және Саран қалалық мешітінің ұйымдастыруымен мешіт жамағаттары арасында шағын футболдан "айналмалы кубок" турнирі болып өтті. Турнирге 8 елді мекеннің діни қызметкерлері мен жамағаттары қатысты. Ашылу салтанатында мешіт қызметкерлері қатысушыларға ойын ережесін түсіндіріп, сәттілік тіледі. Салауатты өмір салтын ұстануға шақыратын футбол жарысы өте тартысты өтті. Жарыс соңында имам Мұсабеков Нұржігіт Оразалыұлы жүлдегерлерді марапаттап, алғыс айтты. Турнир қорытындысы бойынша Саран қалалық мешітінің командасы жүлделі бірінші орынға ие болды. Абай мешітінің командасына екінші орын бұйырып, Шахтинск қалалық "Нұр" мешітінің командасы жүлделі үшінші орынды қанағат тұтты. Сонымен қатар үздік ойыншы , үздік сұрмерген, үздік қақпашы номинациялары табысталды. Саран қалалық мешітінің ұйытқы болуымен басталған "айналмалы кубок" алдағы уақытта да жалғасын табады деген сенімдеміз.
«Айналмалы кубок» турнирі өтті











