Асыл дініміздің қайталанбас құндылығы, тірегі болған, екі дүние бақытына жеткізер Алланың хақ үкімі және сөзі Құран екені баршамызға аян. Ардақты елші Пайғамбарымыз (с.а.с), «Сендердің ең жақсыларың, Құранды үйреніп оны өзгелерге үйреткендерің»- дегендей ҚМДБ-ның Қарағанды облысына қарасты Абай аудандық орталық мешітінің   ұйымдастыруымен  қасиетті мәуліт айының құрметіне орай Құран Кәрімді жатқа және мәнерлеп оқудан сайыс өтті.

Аймақ имамы Асхат Қанайұлының мұрындық болуымен өткен сайысқа мешіт жамағаттары мен шәкірттері қатысты.

Абай атамыз: «Алланың өзі де рас, сөзі де рас. Рас сөз ешуақытта жалған болмас» деген еді.

Баға беру барысында үміткердің барлық қырына: оқу мәнерінен бастап, дыбыстарды шығаруы мен тәжуид ережелерін сақтауына аса мән берілді.

Жүлделі орындарға ие болғандарға да, барлық қатысушыларға да арнайы алғыс хаттар тарту етілді. Алла Тағала қасиетті Құранды кітап күйінде ғана емес адамдар арқылы, осындай қариларымыз арқылы  сақтап отырады. Сондықтан, бәйгені ұйымдастыру да  Алла жолындағы мәртебелі қызмет.