Қарағанды облысына қарасты Абай аудандық орталық мешітінің наиб имамы Есбол Оңалұлы «18 қазан -Рухани келісім күні» құрметіне орай аудандық кітапханада мектеп оқушыларымен кездесу өткізді.

Рухани басқосуда шәкірттерге тыныштық пен бейбітшілік, отансүйгіштік тақырыптарында уағыз-насихат айтты. Қазақстан түрлі ұлттардың басын қосқан ұлы мекен. Қазақстан аумағында тұрып жатқан 130-дан астам ұлт пен ұлыс өкілдері киелі қара шаңырақта тату-тәтті, береке мен бірлікте, бейбітшілік пен ынтымақта өмір сүріп жатыр. Тәуелсіздік алған алғашқы күннен бастап еліміздің мемлекеттік саясаты Қазақстан халқының бірлігі мен тұтастығы идеясын жүзеге асыруға бағытталды. Күшіміз бірлікте екенін халқымыз күллі әлемге дәлелдеп берді. Жастарға осы жайында толығырақ ақпарат беріліп, оқушылар дін қызметкеріне қызықтырған сауалдарын қойып, жауап алды.

ҚМДБ-ның Қарағанды облысы бойынша баспасөз қызметі