Қарағанды қалалық «Бала қажы» мешітінде  ұстаз Бақытгүл Айтқалиқызының ұйымдастыруымен «Пайғамбарымыз (с.ғ.с.)  отбасын қалай тәрбиелеген?» тақырыбында уағыз-насихат өткізілді. Адамзаттың ардақтысының әйелдері мен арақатынасындағы нәзік ережелерді үлгі ретінде келтіріп, Пайғамдардың бала тәрбиесіндегі өнегелері жайлы әңгімеленді. Пайғамбарымыз (с.ғ.с.)  жылаған баланы жұбатуға да ерекше көңіл бөлетін. «Кімде-кім жылаған баласын жұбатуға тырысса, Алла Тағала жәннатта оған риза болғанға дейін нығметтерін үйіп-төгеді»деген ол жамағатқа намаз оқытып тұрғанда, жылаған баланың дауысын естісе, намазды тезірек бітіруге тырысатын. Пайғамбарымыз (с.ғ.с.)  балаларды райхан гүліне ұқсатып, ал иісін жаннаттың иісіне теңеген. Немерелерін жиі-жиі қасына шақырып, бауырына басып, мейірлене иіскейтін. Тіпті, кейде оларды құшақтап, сүйгеннен кейін: «Иә, Алла Тағалам, бұларды мен жақсы көремін, Сен де жақсы көре гөр!»– деп дұға ететін. Өз үлгісімен ол айналасындағы мұсылмандардың да отбасымен жақсы мәмледе болуын қадағалайтын. Шарада ғаламның рақым нұры Мұхаммед пайғамбардың (с.ғ.с.) қасиетті шаңырағындағы тәлім-тәрбиеден мысалдар келтіріліп, Алла елшісінің отбасымен қарым-қатынасы жайды насихатталды.