Қарағанды қалалық «Әл Машани» мешітінде ұстаз Бақытгүл Айтқалиқызының ұйымдастыруымен «Ислам ақидасының ерекшелігі» тақырыбына дәріс өтті. Ислам дінінде ақида ілімі- діннің негізі болып саналады. Ислам ақидасының негізгі ерекшеліктерін санамалайтын болсақ:

1.Ислам ақидасы - анық әрі түсінікті

2. Ислам ақидасы - тұрақты әрі өзгермейді

3. Ислам ақидасы - адамның жаратылысына ең ыңғайлы сенім жүйесі

4. Ислам ақидасы - нақты дәлелдерге сүйенеді

5. Ислам ақидасы - нағыз орта жолды ұстанады

  Ислам шариғаты бойынша, қандай да бір мұсылманның ақидасы, яғни сенімі дұрыс болмаса, жасалған құлшылық-ғибадаттары да Алланың құзырында қабыл болмауы мүмкін. Түрлі қауіп-қатерлерге қарсы тұрудың тура жолы – имандылық десек, ол жастарымызға өте қажет. Сондықтан мешіттегі ұстаздардың межелі мақсаты- ел ішінде имандылық ілімін кеңінен насихаттау. Ал ол үшін Ақида ілімін меңгерудің маңызы зор.