Қарағанды облысы Балқаш қалалық мешітінде Бас имам Қалдарбеков Нұрболат Сейлханұлының ұйымдастыруымен мәуліт айы қарсаңында  жамағат  арасында пайғамбарымызға (с.ғ.с) "Сағыныш хаты" атты шығармашылық  сайыс өтті. Сайысқа мешіт жамағатының арасынан  40-тан  астам  адам қатысты. Шығарма жазу оңай болмаса да жамағаттың сүйікті пайғамбарымызға (с.ғ.с) деген сағыныштары мен ықыластары тәнті етті. Онда қатысушылар өз қиялдарын қоса отырып, әдеби көркем шығарма жазып шығуы керек болатын. Хатта Адамзаттың ардақтысына деген сағыныштары мен рухани байланысы суреттеледі.

Сайыстың  соңында  қатысушыларға рахмет айтылып, жеңімпаздар марапатталды.