ҚМДБ Қарағанды облысы өкілдігі «Әнет баба» мешітінде білім сайысы өтті. Діни оқу-ағарту бағыты бойынша өткен байқауда облыстың мешіт шәкірттері бақ сынады.  Сайысқа 10 мешіттің шәкірттері қатысты. Тартысты байқау топтық сайыс ретінде өткізілді. Әр топта 3 қатысушыдан бөлінген шәкірттер өздерінің білімдері мен діни ілімдерін көрсетті. 3 кезең ішінде ауызша, жазбаша сұрақ-жауаппен қоса, логикалық ойындар да қамтылды. Жарыстың жалпы жүлде қоры 400 мың теңгені құрайды.  Бағы мен бабы жарасып бас жүлдені «Әнет баба» мешіті алса, екінші орынға Саран мешіті ие болды, ал үшінші орын «Төлеутай ата» мешітінің шәкірттеріне бұйырды.