Қасиетті Мәуліт айының құрметіне Қарағанды облысы Саран қалалық мешіті «Мінсіз Мұхаммед ﷺ» атты рухани мәуліт кешін ұйымдастырды. Рухани шараны Саран қаласының имамы Мұсабеков Нұржігіт Оразалыұлы ашып , жиналған жамағатты мәуліт мерекесімен құттықтады. Тәлімі мен тағылымы мол кешке имам ұстаздар мен зиялы қауым өкілдері де қатысты. "Хазірет Әли" мешітінің имамы Рахматуллаев Алимжан Қазақбайұлы уағыз-насихат жүргізсе, Абдрахманов Дастан Жанқозыұлы арнайы мәуліт жырын оқып, ардақты Пайғамбарымызға ﷺ салауат жолдады. Мәуліт айының құрметіне арнайы салауат тобының тұрақты қатысушыларына сый-сыяпаттар табысталды. Және де мешіт қызметкерлері сұрақ-жауап сайысын ұйымдастырып, сыйлықтар үлестірді. Келелі кештің соңы Мақсат есімді бауырымыздың тілін кәлимаға келтіріп, ислам дінін қабылдауымен тәмәмдалды. Осындай рухани іс-шараға куә болған жамағат бір-біріне алғыс айтып тарасты.
Саран қалалық мешіті рухани мәуліт кешін ұйымдастырды














