ҚМДБ Қарағанды облысына қарасты Бұқар жырау ауданы «Жыржыс қажы» мешітінің ұйымдастыруымен 25 қазан- Республика күніне  орай жастар арасында қазақ күресінен сайыс өтті. Жас жеткіншектер арасында жүзеге асқан сайыс аймақтың спорт кешенінде өтті. Жастардың басын біріктіріп, қазақ күресінің тамырын тереңдетіп, кең дамуына үлес қосуды басты мақсат санайтын мешіттің нарқасқа азаматтары бозкілемде айқасқан талантты жастарға сый-сыяпат көрсетті. Жүлделі орындарға ие болған спортшы жеткіншектерге мақтау қағаздары мен ынталандыру сыйлықтарын табыс етілді. Осындай игі шараны ұйымдастарған мешіт  имамы Рүстем Мұратұлы халық ризашылық танытты. Елдің ертеңі болар жастар әрдайым халық назарынан тыс қалмақ емес. Бұл сайыс спортшылардың ынта-жігерін оятып, қазақ күресіне деген қызығушылығын арттырды.