Қарағанды облысы, Бұқар жырау ауданы, Үштөбе ауылдық Қажыбай қажы мешітінің ұстаздары Уматаева Гүлімжан және Гүлнұр Қаныбекқызының ұйымдастыруымен әйел жамағаты арасында "Әйелдер жайлы 40 хадис" кітабынан жарыс өткізілді.

"Ана – бір қолымен бесікті тербетсе, бір қолымен әлемді тербетеді".  Келешек ұрпаққа дұрыс тәрбие беру үшін әуелі аналарымыздың өзі білімді,

тәрбиелі, көрегенді болуы тиіс. Әрбір мықты тұлғаның артында алғашқы ұстазы ол - ана екені белгілі.

Абу Умамадан (Алла оған разы болсын) риуаят етілген хадисте Алла Елшісі (Оған Алланың салауаты мен сәлемі болсын) былай дегенін жеткізеді: «Шүкір етуші жүрек, Алланы еске алатын тіл және сенің дүниелік әрі діни істеріңе көмектесетін салиқалы әйел, адамдар жиған-терген қазынадан әлдеқайда қайырлы».

Әйел жамағатының білімін арттыру мақсатында ұйымдастырылған жарыс нәтижесінде:

1- орын Альджанова Еркеназ (30 000₸)

2- орын Жайлыбаева Маржан (20 000₸)

3- орын Уалиханова Аида (10 000₸ )

 жүлделі орындарға ие болды.