Қарағанды облысы Ақтас кентінің имамы Ерғазы Азамат Сайлауұлы “Bolashaq” Академиясында студенттермен кездесу өткізді. Онда 2,3,4 курс студенттеріне ҚМДБ «Жат діни ағымдардан сақтандыру» бағыты бойынша насихат оқылды. Қазақ халқы үшін аса маңызды тектілік ұғымы жайлы сөз қозғады. Дәстүр – тарихи қалыптасқан қоғам үшін пайдалы, ұрпақтан-ұрпаққа беріліп және белгілі уақыт аралығында сақталып отыратын адамзат тәжірибесінің жалғастығы. Қаншама ғасыр дәстүр мен дінді ұлтымыз қатар ұстанып келеді. Ашық алаңда жастар да өзін алаңдатқан сауалдарын қойып, діни тұрғыдан жауап алды. Сонымен қатар «Құрмет пен қамқорлық» мәселесі де қозғалды. Осы арқылы өскелең ұрпақтың бойына отанға деген патриоттық сезімдерді ұялату басты мақсат болды.