Қарағанды облысы Ақтас кентінде Рухани келісім күніне орай дөңгелек үстел өтті. Онда аймақтағы басқа дін өкілдері мен өзге ұлттар бас қосып бірлік пен ынтымақ жайлы әңгіме-дүкен құрды. Шынында да, біздің елде мемлекет пен діни ұйымдар арасындағы қатынастардың өзіндік моделі қалыптасты: серіктестік, өзара құрмет және бір-бірінің ішкі істеріне араласпау қағидаттарына негізделген конфессияаралық келісімнің бірегей моделі әлемдік деңгейде мойындалды. Рухани келісім күні осы бір береке мен бірліктің көрінісі, бірден бір мысалы ретінде қарастырылады. Шара Ақтас кентінің имамы Ерғазы Азамат Сайлауұлының ұйымдастыруымен өткізілді. Сонымен қатар кездесуде Ақтас кентіндегі жаңа мешіттің алдағы жоспарлары жайлы сөз қозғалып, толғандырған сауалдарға жауап берілді.