Қарағанды облысының «Әнет баба» мешітінің наиб имамы Қоныскерей Құмарұлы аймаққа қарасты «Қазыбек би» мешітінің жамағатымен жүздесіп, жұма намазын өткізді. 

«Кісі ақысын жеу - үлкен күнә» тақырыбында уағыз айтқан наиб имам: «Дініміз Ислам тыйым салған ауыр күнәлардың бірі – кісі ақысын жеу. Ғалымдарымыз бұл күнәны серік келтіруден кейінгі үлкен күнәға жатқызған.  

Халқымыз ұрпағына: «Ешкімнің ала жібін аттама» деп, өзгеге қиянат жасамауды, зиян бермеуді, ақысыз мал-дүниесіне қол салмауды кішкентайынан үйретіп, құлағына құйып өсірген»,-деді.   

 Имам жұма намазынан кейін мешіт жамағатымен бірге ел амандығы мен тыныштығы үшін дұға жасады.     

Қарағанды облысы бойынша баспасөз қызметі