Қарағанды облыстық «Әнет баба» мешітінде ҚМБД Діни білім және кадр даярлау бөлімінің меңгерушісі Хасан Ташайұлы  «Уақып - сауабы үзілмейтін садақа»,- тақырыбында жұма уағызын жүргізді.  

“Уақып”,-дегеніміз мұсылман қауымынының қолындағы мал-мүлікті Алла жолында жұмсауы және оның үздіксіз қолданылуы. Исламда ғылым мен медицинаның дамуына атсалысып, көпір, мешіт, ғаріп жандарға үй салып беру, шөл даладан құдық қазу сияқты көптеген ізгі істерді атқарған. Ауқатты адамдардың осылай уақып жасауы көптің көкейіндегі өзекті мәселелердің шешілгенін Хасан Ташайұлы тілге тиек етті. Жұма уағызы соңында Қарағанды жұртшылығының игіліктерге жетуіне дұға жасады.