ҚМДБ Төрағасы, Бас мүфти Наурызбай қажы Тағанұлының бұйрығымен Қарағанды облысы,  Шахтинск қалалық “Нұр” мешітінің имамы  тағайындалды.  ⠀
ҚМДБ Қарағанды облысы  бойынша Бас имамы Естай Айтуғанұлы мешітке жиналған жамағатқа ҚМДБ төрағасы, Бас мүфти Наурызбай қажы Тағанұлының бұйрығын оқып, Шахтинск қалалық “Нұр” мешітінің жаңа имамы  Мәулен Әбілқайыр Кәсенұлын таныстырды. ⠀

Бүгінгі күнге дейін Қарағанды облысы, Саран қалалық мешітінің наиб имамы қызметін атқарып келген ӘБілхайыр Кәсенұлының дін саласындағы білімі мен тәжірибесін айрықша атап өтіп, алдағы еңбек жолына сәттілік тіледі.  Ал мешіт ақсақалдары жаңа имамның қызметіне береке тілеп, батасын берді. 

Сонымен қатар Шахтинск қалалық "Нұр"  мешітінің имамы қызметін атқарған Ибраев Әсет Наурызбайұлына Қарағанды облысының Бас имамы алғыс хат табыстап, мешіт жамағаты иығына шапан жапты.