Center Image
IHSAN.KZ
«Қазыбек би» мешітінде мәуліт оқылды
«Қазыбек би» мешітінде мәуліт оқылды

 ҚМДБ-ның Қарағанды қалалық «Қазыбек би» мешітінің имамы Ербол Мұқанұлының ұйымдастыруымен екі дүние сардары, сүйікті Пайғамбарымыздың (с.ғ.с) құрметіне рухани мәуліт кеші болып өтті.

Мерекелік рухани кеш Құран оқумен басталып, жиналған жамағат пайғамбарға салауат жолдады. Одан кейін Құран аяттары оқылып, облыс имамы Естай Айтуғанұлы барша жамағатты қасиетті мерекемен құттықтап, Бас мүфти Наурызбай қажы Тағанұлының ыстық сәлемін жеткізді.

Кеш барысында облыстық “Әнет баба” мешітінің ұстазы Юсуфбек Шұғайұлы және “Қамзе ата” мешітінің имамы Бауыржан Мейімбекұлы ғаламның рақым нұрына айналған Мұхаммед пайғамбардың (с.ғ.с) өмірбаянына қатысты уағыз-насихаттар айтылды.

Рухани шара барысында жамағат арасында сұрақ-жауап сайыс ұйымдастырылып, жеңімпаздарға сыйлықтар табысталды.

Мәуліт мерекесінің соңында мешіт ақсақалдары осындай рухани шараны ұйымдастырған «Қазыбек би» мешітінің ұжымы мен дін қызметкерлеріне және демеуші жамағатына алғысын білдіріп, елдің бейбітшілігі мен тыныштығы үшін дұға жасады.

ҚМДБ Қарағанды облысы бойынша баспасөз қызметі


Мәзір
Сайт тілі
© 2009 – 2025 IHSAN.KZ | ҚМДБ Қарағанды облыстық «Әнет баба» мешіті Барлық құқықтар қорғалған. Ihsan.kz сайтында жарияланған кез келген материалды көшіру, тарату немесе басқа сайттарға орналастыру кезінде Ihsan.kz сайтына сілтемені міндетті түрде көрсетуді сұраймыз.

© 2025 Сайтты әзірлеген - abir.kz